JIELIMISHE UPATE KUELIMIKA: 04/14/18

ELIMU KWA WATOTO WALEMAVU NI MHIMU

ELIMU ya kuwapenda na kuwalinda watoto wenye ulemavu imekuwa ikitolewa kwa muda mrefu sasa. Lakini, bado kuna baadhi ya wazazi na walezi nchini, wamekuwa wakiwafungia au kuwaficha ndani watoto wao wenye ulemavu.

Kutokana na hali hiyo, juhudi mbalimbali zimekuwa zikifanyika ili kujenga uelewa na kuhamasisha jamii kupitia njia mbalimbali ili kuwaona watoto wenye ulemavu ni sawa na watoto wengine, wanaopaswa kupendwa na kulindwa, badala ya kuwatenga.

Moja ya jitihada hizo za kutoa elimu ni matembezi yaliyofanyika Dar es Salaam jana, yaliyoongozwa na Naibu Spika wa Bunge, Dk Tulia Ackson ambayo yaliandaliwa na Shule za Al Muntazir, yaliyoenda sambamba na maadhimisho ya Siku Maalumu ya Usonji Duniani.

Shule hiyo ilianzisha kitengo cha watoto wenye mahitaji maalumu (AMSEN), baada ya kuona kwamba kuna watoto wengi wenye ulemavu, ambao hukosa fursa ya kwenda shule kutokana na sababu mbalimbali.

Sote tunafahamu kwamba ni kweli watoto wengi wenye ulemavu, wamekuwa wakikumbana na vikwazo vya kielimu kutokana na sababu mbalimbali, ikiwemo mazingira na mfumo wenyewe wa elimu. Tumeshuhudia katika maeneo tofauti, baadhi ya watoto wenye ulemavu wakikumbana na changamoto ya mifumo ya miundombinu katika baadhi ya shule, ingawa serikali imekuwa ikijitahidi kukabiliana na jambo hilo.

Pia, changamoto nyingine ambayo tumekuwa tukishuhudia ni uelewa mdogo kwa watu wenye ulemavu hasa kwa jamii, wazazi na walezi.

Wapo baadhi ya watu, pia wamekuwa wakihusisha hali hiyo na mila potofu, ikiwemo ushirikiano au laana. Uelewa huo mdogo na kutothamini mambo, yanayowahusu watu wenye ulemavu miongoni mwa wana jamii, yamekuwa yakiathiri upatikanaji wa elimu ya uhakika kwa watoto wenye ulemavu.

Hali hiyo imefanya baadhi ya wazazi na walezi kutokuwa tayari kuwaandikisha watoto wenye ulemavu katika shule na hiyo inatokana na mila na desturi, ambazo zinawabagua watoto wenye ulemavu.

Hivyo bado jitihada zinahitajika zaidi katika kutoa mafunzo kwa ajili ya watoto wenye mahitaji maalumu na elimu jumuishi pamoja na kuwepo utayari wa walimu kufundisha watoto wenye ulemavu.

Pia shule zinazotoa elimu jumuishi, zihakikishe zina sifa stahiki za kufundisha watoto wenye ulemavu, ikiwa ni pamoja na kuwepo vifaa vya kufundishia na waalimu wa kutosha.

Hivyo, kuna haja kwa wadau wote wa elimu na wapenda elimu na maendeleo hapa nchini, kushirikiana kwa pamoja kuhakikisha kwamba shule nyingi zaidi, zinatoa elimu jumuishi ili kuhakikisha watoto wengi zaidi na wale wa maeneo ya vijijini, wanainuka kielimu.

Ni vyema pia kila mmoja wetu, akashiriki katika nafasi yake kuhakikisha kwamba watoto wenye ulemavu, wanapatiwa mahitaji yao ya msingi ikiwemo elimu bila vikwazo.

Naamini kwamba watoto hawa wenye ulemavu, wakipendwa na kupewa nafasi ya kupata elimu bora, wanaweza kufanya mambo makubwa na kuepukana na utegemezi.

Mamlaka husika nazo ni vyema zihakikishe kuwa malengo ya kumpatia kila mtoto elimu yanafikiwa, bila kuwaacha nyuma watoto hawa wenye ulemavu. Tunaamini kwamba watoto wote ni sawa, hivyo tusiwabague, bali tuwapende

Makonda: Wanawake matapeli kukiona

Mkuu wa Mkoa wa Dar es Salaam, Paul Makonda

0 Comments

MKUU wa Mkoa wa Dar es Salaam, Paul Makonda (pichani) amesema wanawake ambao watawasingizia wanaume kuhusu watoto, watashtakiwa na wanaume husika.

Hata hivyo, amesema pia wanaume watakaoitwa baada ya kutajwa na wenza wao kuwa wamewatelekeza watoto wao na kukaidi mwito huo, watatangazwa kwenye vyombo vya habari yakiwemo magazeti. Akizungumzia suala hilo ofisini kwake jana, Makomnda alisema kuwa ofisi yake ndiyo itakayogharamia upimaji wa Vipimo vya Vinasaba (DNA) kwa wanaume waliotajwa ili kupata uhakika wa uhalali wa baba wa mtoto ili haki iweze kutendeka kwa pande zote Katika hatua nyingine, wabunge na viongozi wa dini ni kati ya makundi ya wanaume waliotajwa kuhusika na kuwatelekeza watoto kwa wanawake waliozaa nao kwenye usikilizwaji wa malalamiko unaendelea chini ya usimamizi wa ofisi hiyo ya Mkuu wa Mkoa wa Dar es Salaam.

Kazi hiyo itakamilika Ijumaa wiki hii. Kwa mujibu wa Makonda hadi sasa, wabunge waliotajwa ni 47 huku viongozi wa dini ni 14. Aidha katika orodha hiyo anadaiwa kutajwa pia mmoja wa wanasiasa ambao walijitokeza kuwania urais katika uchaguzi mkuu wa mwaka 2015. Hadi jana wanawake 900 walikuwa wamehojiwa huku zaidi ya wanawake 7,000 wakitajwa kujitokeza. Akizungumzia mwito kwa wale watakaotajwa, Makonda alisema baada ya kutajwa ofisi yake itatoa barua ya mwito kwa wahusika na kwamba kwa wale watakaokaidi na hivyo kushindwa kufika, hatua itakayofuatia itakuwa ni majina yao kutangazwa kwenye vyombo vya habari.

Kuhusu kutajwa kwa viongozi wa kisiasa na kidini katika tukio hilo, Makonda alisema inasikitisha kuona kuwa hata viongozi wa kisiasa na dini wamekwepa majukumu ya kuwahudumia watoto wao na kuwa ni wazi kuwa kuna haja kubwa ya jamii kuendelea kuelimishwa kuhusiana na umuhimu wa kutunza watoto. Alisema, watoto wana haki ya kulindwa, kuhudumiwa na kupewa mahitaji yote muhimu na kwamba wapo wanaume ambao wameshaanza kutoa matunzo kwa wanawake ambao walikuwa wamewatelekeza na kusisitiza kuwa hatua hiyo inatia moyolakini aliwataka wanawake kutodanganyika na hatua hiyo kwa kuwa wanaweza kuwakwepa tena.

“Najua hapa tunapigania haki ya mtoto zaidi na wala si kuoneana wala kudharirishana sasa kama kuna wanawake ambao wanaona kuwa wanaume waliokuwa wakiwakwepa kuwasaidia kwa sasa wameshaanza kuwasaidia wajue kuwa hiyo inaweza kuwa ni msaada wa muda, ila wakiwaleta hapa inakuwa ni makubaliano kabisa ya kusaidiwa kila mwezi,” alisema.

Aliwataka wanawake kutoogopa kujitokeza kuwasilisha malalamiko yao kwa kuwa hakuna kibaya kitakachowakuta huku akibainisha kuwa ofisi yake itagharamia vipimo vya DNA kwa wanaume ambao watawakataa watoto waliotajwa kuwa ni wa kwao. Makonda alisema pia kuwa jana wanaume 10 nao walijitokeza kulalamikia kunyang’anywa watoto. Mmoja wa wanasheria wanaowasikiliza wanawake hao, Amanieli Kidali alisema licha ya kuwapo kwa idadi kubwa ya wanawake wanaolalamikia matunzo lakini wapo ambao wanataka kuongezewa kiwango cha matunzo husika wakati tayari Mahakama ilishaweka kiwango cha wao kulipwa.

Habari kubwa za Magazeti ya TZ leo January 14 2018 Dini, Michezo na Hardnews

January 14, 2018

Ni asubuhi nyingine tena na habari kubwa kwenye Magazeti ya Tanzania January 14 2018 kuanzia ya, Udaku, Michezo na Hardnews kujionea yote makubwa yaliyoandikwa